پاڻ ڪريم ﷺ جن جا خاص رفيق ۽ ساٿي، امت ۾ سڀ کان ڀلاريون هستيون ” چاريار “ جن کي ”خلفاءِ راشدين“ پڻ سڏيو وڃي ٿو، اسلامي تاريخ جا اهي پاڪ نفس آهن، جن کي قرآن شريف چڱائين ۾ ”اڳ کٽڻ وارا“ ڪوٺي ٿو. اهي الله جا مقرب آهن ۽ نعمتن ڀريل جنتن ۾ رهندا.
چئن يارن، حضرت ابوبڪرصديق، حضرت عمر فاروق، حضرت عثمان غني ۽ حضرت علي المرتضى رضي الله عنهم جن جي ڀلارين سيرتن مان هي مختصر ڪتاب شهيد محراب”حضرت عمر فاروق رضه“ جي سيرت بابت آهي
هي مختصر ڪتاب غار جي ساٿيءَ ”حضرت ابوبڪرصديق رضه“ جي سيرت بابت آهي. هن ۾ حضرت ابوبڪر صديق رضه جي سهڻي سيرت مان قصا به ڏنا ويا آهن. هي ڪتاب سنڌ جي نامياري عالم، اديب محمد عثمان ڏيپلائيءَ جي تحرير آهي ۽ قصا سنڌ جي مشهور اديب محمد ايوب انصاري صاحب مرتب ڪيا آهن.
هن ڪتاب ۾ نبي ڪريم ﷺ جي مقدس قافلي يعني صحابه ڪرام جو ذڪر ڄاڻايل آهي. صحابه جي جرڪندڙ زندگين جا چونڊ واقعا بيان ڪيل آهن ۽ اهو شاندار ڪم پروفيسر ڪريم بخش نظاماڻيءَ جو سر انجام ڏنل آهي.
